Reservuars

Cun smaccar sin la legenda dalla carta, saveis Vus navigar tier ils auters indrezs

La corporaziun Aua Cristalla retila sia aua da beiber ord fontaunas da treis differentas vals. Numnadamein ord la Val Milar, la Val Strem e ord la Val Bugnei. L'aua ord las fontaunas vegn rimnada e luvrada si mintgamai en in reservuar . Tuts treis reservuars ein entras conducts d'aua colligiai in cun l'auter.

La grafica muossa co ils reservuars ein colligiai e sin tgei altezia ch'els sesanflan. Mintga reservuar ha ina reserva da fiug (stgir blau) ed ina cumpart aua da beiber (clar blau). La reserva da fiug san ins naven digl edifeci a Gonda/Mulin arver cun in ventil. Vinavon vegn tut l'aua tractada cun glisch da UV. Ulteriuras informaziuns pertuccont UV sut la pagina dil furnitur.

Reservuar Salins

Il niev reservuar da Salins ei vegnius construius ils onns 1998/99 sco implont sutterant da betun armau cun duas combras d'aua separadas. Quellas han ina tschaffada totala da 700 m3, 500m3 da quels per aua da beiber e 200 m3 per aua da stizzar fiug. Il surscul sesanfla sin 1510 m.s.m. Ella casa da sclusaduirs cun duas alzadas sesanflan tut ils conducts da bischels e las armaturas necessarias per il menaschi ed il telecamond, numnadamein la survigilaziun dalla fuostgadad, la preparaziun dall'aua, la clappa per l'aua da stizzar e la mesiraziun dil consum d'aua. Per motivs da segirezia e da qualitad ein las combras d'aua accessiblas mo cura ch'ellas ein vitas.L'aua da fontauna che vonza, vegn retenida cun in ventil special e duvrada dall'ovra Energia Alpina per producir electricitad.

Plant 1 Plant 1 Plant 1 Plant 1 Plant 1 Plant 1
Plant 1 Plant 1 Plant 1 Plant 1 Plant 1 Plant 1

Reservuar Pardatsch

Igl onn 1982 ei il reservuar a Pardatsch sur il vitg da Rueras vegnius eregius. Igl onn 1994 han ins sanau el per l'emprema gada. La gartischola han ins lu plazzau pli ault ed aschia haveva il reservuar in cuntegn da fiug da 389 m3 e da 106 m3 per aua da beiber. Cun la sanaziun dil reservuar a Salins han ins mess el pli bass. Aschia han ins puspei alzau il quantum da beiber sin 200 m3 e quel da fiug sbassau sin 295 m3.

Plant 1 Plant 1 Plant 1 Plant 1 Plant 1

Reservuar Val Bugnei

Il reservuar dalla Val Bugnei ei vegnius sanaus ils onns 1991/92. Tier quella sanaziun han ins augmentau il cuntegn dil reservuar per 60 m3 sin 560 m3. Medemamein ei il baghetg vegnius isolaus externamein e tut l'ulteriura infrastructura tenor las novas perscripziuns dil cantun. Cun quella caschun han ins era realisau ina lingia d'electricitad cun tensiun aulta entochen el reservuar. Cun in sistem da telecamond san ins arvar la reserva da fiug e survegn tut las indicaziuns dil reservuar electronicamein egl edifeci tecnic. Pli tard han ins indrizzau igl indrez da UV.

Plant 1 Plant 1 Plant 1 Plant 1 Plant 1